De Tsjerne. Jaargang 9

[p. 204]

Klaes Dykstra:

Heechhout.

Hoar, hoar
rûst it gerssjongerskoar.

Hjir wiest noch nea,
dôch is alles bitroud:
dit prûs-grien gea
mei it heechhout
etst oer it joune-rea
boppe in feartfol goud.

Hastû hjir stien
yn dizze skyn,
tusken dit rûzjend grien
al ieuwen lyn
miskyn?

Blanko 't leste bled.

Greate wizer,
lytse wizer
draeije har net sêd,
lytse têd,
greate rêd
krasse dy oer 't hert.

Tinzen twirje oer ierde mêd,
stadich wurdstû wizer,
wizer, hieltiid wizer,
stadich griis en grizer
en ûnwis fan trêd:
blanko 't lêste blêd.

Folle wizer,
heislik wizer,
Bifrosts bôge is steil en glêd;
einlings mêd
sinkstû mêd,
siichst yn 't neat, gjin grevel wizer.