De Tsjerne. Jaargang 9

[p. 78]

Inne de Jong:
Kathleen Ferrier sjongt.
(Yn: Orfeo ed Euridice.)

Orpheus:

Hwat ierdebern sjongt Orpheus klacht
troch tiid'ne nacht
oer bergen, sé en lân,
dat minsk' en goaden swije
en mei myn leafde lije?
Hwa hat myn lûd yn harres fongen,
hwa hat de ieuwen iepensongen
mei myn forklearre smert?
Hwat hert, hwat wittend hert
hat yn de iv'ge brân
fan myn forlangen stien,
hwa is troch leafde' faeiste djipten gien,
om alle triennen stim to jaen?
It sjongt troch tsjuster hoal en krocht
it wetter fan de Styx wurdt ljocht
de Hades is ûntset,
it sjongt troch nei har stjerren,
dit moat de deaden hearre,
Eurydice, hastû it heard?