De Tsjerne. Jaargang 9

[p. 61]

O. Postma:

‘Ik wil muziek voor oude menschen, die nog krachtig zijn en omgeploegd met lange, diepe voren en ongelovig....’
M. VASALIS.

Hear ik dêrta? Hear ik dêrta?
Dan is it né, dan is it ja.
(Dat ‘ongelovig’ is hjir oars wol sympathyk)
En as ik fierder gean - hwant der stiet mear -
Wer is it ja, wer is it né.

En as er soks net is, net is,
‘Dan wil ik zot en troebel zijn’.
Mar fanke, né, dat moat net ha,
Sa net op eigen ôfbrek ta!
Nim dan dochs mar hwat wiisheit oan,
Dy't wurgens lykje mei.

Sok dicht giet frijhwat út nei ‘eks’,
It is net swier fan âld kompleks,
En charme hat it wis wol dizze kear.
Ik foun it sa, útbrocht yn Libertinage;
Lit Gomperts dêr dan stil mar daezje.