De Tsjerne. Jaargang 9

[p. 46]

Hindrik J. Brouwer:
Paradise lost.

O parken fan nocht en fan pracht,
dêr't ik net mear fan sjonge mei -
hoe treastleas wurdt my de nacht,
as ik tink oan jim ljochte dei.

De keamer is leech en skier;
fan it feest bleau in ôftúgde beam,
hwat slingers, hwat ingelehier;
keale raffels fan bernetiids dream.

Troch de triedden in blêd sûnder stjûr
fan 'e winterske beam of foel;
't hurde ramt fan 'e nerven bleau oer;
dêr tusken fordroege 't gefoel.

Wie 'k mar ienf dy 't biret en astrant
't knyft tusken de tosken nimt
en - birikt ea ien d' oare kant? -
manmoedich de iissé op swimt!