De Tsjerne. Jaargang 8

[p. 351]

Frysk en frjemd.

Sweedske lof foar ‘Noarderljocht’.

Yn de ‘Falu-Kuriren’, it bilangrykste deiblêd fan Dalekarlië, hat de Sweedske kritikus B.O. Lodewiges van Mynden, foar de Tsjernelêzers gjin ûnbikende, in tige priizgjende resinsje skreaun oer de Fryske oersettingen fan moderne Sweedske lyryk, dy't Marten Sikkema yn ‘Noarderljocht’ (Reiddomprige) bundele bat. Der wie út de kontemporaine Sweedske poëzij gjin lokkiger kar mooglik as dy't de oersetter dien bat, sa skriuwt er, en Marten Sikkema levere neffens him mei dizze bundel it biwiis fan syn greate kennis fan de Sweedske tael net allinne, mar ek fan syn ‘briljante technyk’, syn artistyk formogen en syn poëtysk ynlibjen yn de oarspronklike fersen.

Nochris Sweden.

In troeb it Sweedske regear ynstelde kommisje dy't ta taek hie, nei to gean hoe't yn dat lân de forsprieding fan it goede boek bifoardere wurde kin, hat yn har wiidweidich rapport (‘Bokutredingen’) û.o. meidield, dat 63 pst fan de bifolking dêrre ta de ‘rigelmjittige lêzers’ biheart, d.w.s. hja dy't ien of mear boeken yn it fearnsjier lêze. Neffens it forslach wurdt der yn de greate stêdden it meast lêzen, en op it plattelân, binammen ûnder de boeren, it minst.

Veur Dr. Obe Postma.

Yn ‘Dörp en Stad’, it moanneblêd fan de Algemene Vereniging ‘Grunnen’, hat dr. Tj. W.K. de Haan in lang ‘frij fers’ yn it Grinslânsk (‘Wenst’ is de titel) skreaun ‘veur Dr. Obe Postma, dij 85 worden is,’ dêr't reminisinsjes oan de dichter fan ‘Dagen’ yn oan to wiaen binne.

‘De Golle.’

It twadde nûmer fan ‘De Golle’ (Litterair wurk fan ‘De Mieren’), yn Septimber syklostilearre forskynd, bifette fersen fan Kobe Hanenburg, Glaukia, L.H. Mulder en Geart van der Zwaag. Marten Brouwer brocht ‘Forslach’ út fan in gearkomste fan Amsterdamske ‘eksperimentelen’, Glaukia droech in forhael ‘De Kaei’ en Hylkje Goinga in ‘ien-akter’ by.

Koart nijs rounom wei.

It Desimbernûmer fan It Beaken (tydskrift fan de Fryske Akademy) sil, ûnder de titel ‘Om Jan Jansz Starter hinne’, alhiel wijd wurde oan de forneamde dichter fan it ‘Nieu Liedecken’, soks nei oanlieding fan it ûntbleatsjen fan in plaet mei syn byldnis yn de gevel fan it hûs dêr't er yn Ljouwert wenne hat. - De romanskriuwer Theun de Vries is weromkommen fan in reis nei Ruslân, dêr't er in wykmennich yn in sanatorium op de Krim tahâlden hat. By syn ôfreis nei it heitelân is him yn Moskou in eare-diner oanbean. - It Hollânske litteraire tydskrift Podium, yn 'e bisettingstiid yn

[p. 352]

Fryslân oprjochte en nei gâns in set swalkjen by ûnderskate útjowers lâns (Van Gorcum, De Driehoek, Bezige Bij) opnommen yn it Flaemske tydskrift ‘Tijd en mens’, sil nou opnij selsstannioh. Forskine. Utjowster is de Stifting Podium, de bistjûrders dêrfan binne Ad den Besten, Gerrit Borgers en D. Vriesman. - Arthur Lehning sil in boek mei oantinkens oan Marsman publisearje ûnder de titel: ‘De Vriend van mijn Jeugd’.

FREARK DAM.