De Tsjerne. Jaargang 8

[p. 313]

O. de Jong:
Hjerst.

Gielgrien priel fan 't jonge foarjier,
Simmers folle en dûnk're toai,
Brûns en goud en giel fan 't neijier,
Winters oerbleaun ikenloai,

Deade blêdden lâns de wegen,
Risping fan in koart bistean,
Juster noch in gloede omhegen,
Hjoed al geuren fan forgean....

Aensten komt de âlde gearder;
Driigjend swaeit syn biezemstêf,
Faget al hwat heech siet earder
Namleas yn in massa-grêf.