De Tsjerne. Jaargang 8

[p. 294]

Laurens ten Cate:
Twa gedichten.

Bledside.

Wite ûneinichheit
swangrêd papier
ûntfang de seinen
dy't ik dy jaen sil joun
dy't ik dy langsum biskriuw
oan al dyn kanten
lofts
rjochts
en yn dyn midden.
Skrutene skoat
jow dy del ûnder myn hân.

Mar dyn hoeken lit ik iepen
om de ûnformoede winst to boeken fan
komme hwat komme wol
as de oaren sliepe.

* _* *

De tiid skout my foarút
mei eltse klokketik
bylâns de sirkel ik
oant in geheim punt x
seg'mint fan einbislút
dêr't de rekkenmaster sprekûr' hâldt.

Hwerby hweroan hwerhinne wurd ik âld.