De Tsjerne. Jaargang 8

[p. 176]

Kobe Hanenburg:
Skotse trije

Ik bid lit my as jongste drage
it liet fan leafde
myn siel harsels yn 't lok forliest
sa swiet en sêft en wûnder-iepen
och, lit my it drage.

Ut tûzen boarnen springe tûzen meldijen
ta myn herte
dounsje hân yn hân de skotse trije
sjonge lang en ljocht ave marije
en memmeskerte.

Bûcht bangens my it herte ûnklear
ave Marije
lit nimmen, nimmen om my lije
bring my it liet fan leafde
ave Marije.

Lit my mysels fan 't leed bifrije
de romte fine by myn God
skotse trije, God en ik en Marije
myn siele harsels yn 't lok forliest
sa swiet, sa sêft, Marije.