De Tsjerne. Jaargang 8

[p. 131]

Jo Smit:
Dit bed.

Dit bêd is rommernôch foar twa -
as Noach ha 'k in dei of hwat
deroan bistege om it nei to mjitten.
Dyn foarmen ken ik, Lydia,
(der wêz' gjin misbigryp, ik skat
fansels hwat ik net hear to witten)
't is rommernôch - en dochs: ik siz gjin ja,
hwant Lydia, der is to folle dat
it bêdsté moannet om it nei to litten:
djip bin dyn eagen, dei en nacht bin twa,
koart bloeit en rûkt de roas, de romte hat
to faek to folle al ûnthjitten....