De Tsjerne. Jaargang 8

[p. 129]

J.D. de Jong:
Psychopaet.

Ik sit yn 't Gesticht
yn 'e hage biskûle
en koe jimm' goed sjen
jimme seagen my net.

De dokter, de dominé
en ek al de oaren
in optocht fan swarten;
mar foar de eagen bin 'k bang.

En troch myn fingers
koe ik efter dy eagen
- jimm' seagen my net -
de dieren noch sjen.

De slangen en apen,
de rotten en fisken:
it stjonkdier en 't munster
en dan wurd ik bang.

Ik hâld my forskûle
hwant oars praet in podde
mei in hoed en in bril op
tsjin my en moat 'k koarje.