De Tsjerne. Jaargang 7

[p. 385]

Hessel Miedema:
Douns.

Javanen dounsje

mei de hannen

dounsje hja har út

Hongaren ek

hja dounsje

tsjuster as in fjûr

mar Friezen

bloune Friezen

dy dounsje net

twa tsjustre flammen dounsen yn 'e nacht

fan iensumheit

de bloune Fries woe mei dy flammen dounsje

mar hy koe it net

doe laken de twa tsjustre flammen

Fries bloune Fries

kom harren en wy sill' 't dy leare

mar Friezen dounsje ommers net

de beide tsjustre flammen binn' fordwoun

de Fries

dy bleau allinnich

yn de nacht

de swarte nacht

fan iensumheit

Javanen dounsje

Hongaren ek

mar Friezen

dy dounsje net

en sjonge net

en kinn' net ienris skrieme
as 't nacht is

iensum

swart