De Tsjerne. Jaargang 7

[p. 177]

Rely Jorritsma:
July-snein op ‘Jagtlust’.

De sinne dy't my fanôf it jura ken,
en de forwielbeam dy't in himelske snein bigjint,
en it lytse fûgelt, alles meimelkoar,
it hat my wer sa yn it Fryske yn
dat ik neat oars mear bitinke kin,
as hwat ik waerd en hwat ik bin:
yn himelske eagen fan sinneskyn
by in boumantsje-wipsturt oandachtich yn 't grint,
in ka yn 't gazon, dy't glânzgjend forrint,
in swierjende mich, gerdyntsjes, blyn,
myn eigen needlot dat my birint -
in clown, yn de preal fan in sirkustint.