De Tsjerne. Jaargang 5

[p. 310]

Geart Jonkman:
De freon.

(foar H.).

Hy is my nei en nimmen sil him keare
Hy komt by my net foar de tichte doar
It kin yn 't libben nuver soms biteare
Mar hoe dan ek, hy hat in streekje foar.

Hy mei dan wêze dy't er is, in sûnder,
Hwat sûnden oangiet bin ik him wol treast,
Hy is in bern en leaut jit oan it wûnder
Neat minskliks is him frjemd en hy hat geast.

Hy is hwat excentryk en hwat ienkennich,
Sa binn' de minsken faek oer him to set;
Mar as er joun net komt bin ik ûnwennich
Hwant hy hat mear as geast, hy hat in hert.