De Tsjerne. Jaargang 5

[p. 242]

Joazep Witteveen:
Negro spiritual.

foar Taeije Brattinga.

Yn de hage song de spotfûgel.
De spotfûgel song yn de hag'e.
God joech de spotfûgel syn sang
Sa hat God de spotfûgel skepen.
Eare oan God, Eare oan God,
Dy't de spotfûgel skepen hat.
Eare oan God, Eare oan God,
Dy't de spotfûgel skepen hat.
God is great, God is great,
God is goed om't Hy de sang joech
Oan de spotfûgel yn de hage.
Yn de hage song de spotfûgel
En God joech him de sang.
Goede God, greate God
Eare oan Dy, Eare oan Dy,
Dy't de spotfûgel yn de hage
Syn sang' jown hat.
En de spotfûgel song yn de hage.
Eare oan God, Eare oan God
Song de spotfûgel yn de hage.
De spotfûgel song yn de hage.