De Tsjerne. Jaargang 5

[p. 212]

O. Postma:
Dichters.

Der binn' dichters dy't it ûnsjenlike miene;
Mei wyn en sé woll' hja it bineame.
Oaren sizz' ierde en dy is har dreamen.

De earsten sill' greater dichters hjitte:
Is it ûnsjenlike net it measte?
De oaren haw ik as freonen it neiste.

Hwant leaf haw ik d' ierde as fiedster en boarne,
En it swierste hâld ik it droef forlitten;
Al draecht my - in tril jen - it great biwitten.

In lânstik útsnien, hwat ljochte ûren,
Net mear it bistek fan it ierdske wêzen;
Mar dichter hat gloarje en wûnder lêzen.