De Tsjerne. Jaargang 5

[p. 106]

Joazep Witteveen:
The red shoes.¹⁾

Ik woe dat myn libben wie
as dat fan Karin:
Dounsjen op reade skuon.

Dounsje foar God
en de ljochtmoannenacht
en rinkeljend op it tamboeryn
sjonge foar in tún fol asters
en chrysanten.

Op strjitten en pleinen wol ik
dounsje foar de minsken;
en ek jouns allinnich
op stille berchmarren
of op 'e branning fan 'e sé.

Dounsje mids in flecht blanke douwen
en op 'e strykstokken fan in orkest.
Foar it alter fan God
en yn 'e sel fan in muonts,

God, lit myn libben wêze ien douns
en dyn g'enede in sjongend tamboeryn
dat my bigeliedt.

1) Bikroand mei de twade priis yn de Tsjerne-poëzgpriisfraech foar debutanten - 1949.