De Tsjerne. Jaargang 5

Klaes Dykstra:
Twa fersen nei John Banister Tabb (1845-1928).

De mjitstef.

Der binne deaden libjend;
En libjenden dea;
Earmen nei jeften stribjend;
Riken bidljend om brea;
De leafde, de leafde allinne
Sil men libben en wielde oan kenne.

Evolusje.

Ut de skimer in skaedbyld,
Dan in blink;
Ut de wolkems in stilte,
Dan in fink.

Ut it herte bolbjirknens,
Dan in trien;
Ut de dea-kâlde jiske
Is 't libben opstien.