De Tsjerne. Jaargang 5

Klaes Dykstra:

Reek
(nei Henry David Thoreau, 1817-1862).

Ikarus-fûgel, licht-wjokke Reek,
Dyn fearren toranend yn 't fleanen omheech;
Ljurk sûnder sang, en wytger fan de moarn,
Oer de gehuchten sirkljend as dyn nêst;
Of oars, forgeande dream, en skadige foarm
Fan nachts fizioen, fandljend dyn klaed;
By nacht stjerre-dwêster, en oerdei
Sinne-forstopper en ljocht-fortsjusterder;
Driuw, wijreek, fan dit hurdsté op en freegje
De goaden foar dit kleare fjûr forjeffenis.

In wite roas
(nei John Boyle O' Reilly, 1844-1890).

In reade roas blinkt fan hertstocht,
De wite fan leafde; o,
De reade roas is in wikel
En de wite roas in dou.

Mar 'k stjûr dy in snie-wite roas-knop,
Mei blombledtsjes dipt yn read;
Hwant de suverste en swietste leafde
Hat lippen mei 'n swym fan big'eart'.