De Tsjerne. Jaargang 5

Klaes Dykstra:

Birime wrald (nei Amy Lowell, berne 1874).

Yn de wolkem-skiere moarnen
Hearde ik d' ielreagers fleanen;
En doe't ik yn it tún kaem,
Sljuerke oer forwylge blêdden
Myn siden klaed.
In bros blêd krûmelt as men 't roert,
Mar ik ha mannich hjerst al sjoen
Mei ielreagers bliesd as reek
De loften lâns.

Har Lichem
(nei Alfred Kreymborg, berne 1883).

Har lichem glimt
As in alter-kears,
Bleek yn it swart;
Wurdt stadichwei
Ta hertstochtlik brûns,
Brûns fan in sé
Under de flam.