De Tsjerne. Jaargang 5

Klaes Dykstra:
Twiljocht
(nei Hazel Hall, 1886-1924).

Earst', teantsjend twiljocht,
Foarbygiest', wês
Myn geast ta balsem,
Lyk dauwe it gers.

Dimje myn hannen
Har langjen fel,
Sast' optearst' it blomblêd
En kûst' it struwel.

Help my mei skaden
En meitsje steech
Myn swak bidoelen,
Myn warrich eech.

Dat 'k yn dyn stilte
Wer oanstek it ljacht
Fan myn wankel leauwe,
Noch foar de nacht.