De Tsjerne. Jaargang 5

Klaes Dykstra:
Nu inglans tukelteammen.

(De twa foarste koupletten fan nei alle gedachten it earste fers fan in koloanist skreaun: om 1630 hinne; dichters namme ûnbikend.)

It plak dêr't wy wenje is in wâld-wyldernis,
Dêr't it gers net fan 't groeisumste soarte is:
Us bergen en klingen, yn 't leech de fallei,
Bin meast ûnder iis en snie-tekkens wei:
En bliest de noard-wester mei bolderjen boas,
Dan lûkt elkenien de pet oer de noas:
Mar is men sa krigel en wol men 't wjerstean,
Men forspilet in finger, in hân of in tean.

By 't maitiid, dan krij' wy de houk yn 'e hân;
Foar plantsjen en siedding biwurkje wy 't lân;
En hawwe wy plante en de sied-kerrels struid,
Dan ha, ear't hwat waekst, de wjirms gâns forbruid;
Hwat boppe komt giet ek wer gâns fan forlern,
Hwant fûgels en iikhoarntsjes plôkje sa jern';
En as men op 't lêst folle ieren hat,
't Gewaeks wurdt toheistre fan bear en fan hart.