De Tsjerne. Jaargang 3

[p. 256]

Frysk en frjemd.

Twa fersebundels

Fuort efterinoar, yn in tiid dat de rige folksromans har al mar oan útwreidet en alle dichters hast yn alle talen swije, komme twa opmerklike fersebundels fan de parse: ‘Sinne op 'e Striesek’, fan D. van Wieren en ‘Jolm’, fan G.N. Visser. De earste útjown bij (alteast to krijen bij - op it titelblêd stiet gjin útjower neamd!) fa. Kamminga to Dokkum; de oare, útkomd yn de ‘Reiddomprige’, bij ‘De Torenlaan’ to Assen.

Oer de dichter A. Roland Holst

Oankundige is it forskinen bij ‘De Bezige Bij’ op 23 Maeije l.l. (de 60ste jierdei fan de dichter A. Roland Holst) fan it wurk ‘Over den dichter A. Roland Holst’, mei bijdragen fan Henriëtte Roland Holst - van der Schalk, M. Nijhoff, Jan Engelman, Jo de Wit, Victor E. van Vriesland en M. Vasalis. In folsleine bibliografy is ek mei opnomd.

Oer Piter Jelles

Johan Winkler, soan fan de bikende Haerlimmer Frisiast, hat in boek skreaun oer Piter Jelles, dat hjitte sil ‘Leven en werken van Pieter Jelles Troelstra’. It sil útkomme by de Amsterdamse Boeken Courantmij. Sa't bikend is, hat Johan Winkler partikulier sekretaris west fan Troelstra; hjoeddeis is er û.o. redakteur fan ‘Het Parool’ en ‘In de Waagschaal’.

F.D.

Ynkommen boeken

(Yn dizze rubryk wurde de ynkommen boeken oankundige, ûnforskillich oft hja noch neijer skôge wurde of net.)

Frysk Studinte-almanak 1948. Brandenburgh & Co., Snits.

H. Twerda, Gaesterlân, fan fûgeljen, fiskjen en ikeboskjen, Sier en Sied. Van Gorcum & Comp., Assen.

‘De Friezen bûten Fryslân.’ Bitinkingsboek by it 25-jierrich bistean fan it ‘Boun fan Fryske Selskippen bûten Fryslân, 1928-1948, gearstald fan H. Uden Masman, 1948.

G.N. Visser, Jolm, Fersen. ‘De Torenlaan’, Assen, 1947.

Weston McDaniel, Look to the sun, with a foreword by Alfred Kreymborg, New York: The Beechhurst Press, 1947.