De Tsjerne. Jaargang 3

Willem de Jong:
It stedtsje

Eilân fan deade grêften

sliepende wâllen en dwingers.

En dêrefter: brún-reade gloppen,

it iepen Djip, mei de blanke speegling

fan 't mozayk der ranke gevels,

de útstoarne merk,

wijd sté fan lang forfleine kultus,

nou in nij ljocht opheinend,

en de griene, slomjende grêften

ûnder it giele line-tek.

De dagen jowe yn dimmen forrin

in licht fortier yn de glinst'rjende strjitten,

stabyl geskrep om it deistich gewin.

Soms driuwe út in finster,

fragyl en alles lústerjend,

forsille klanken fan in nij

en oerâld liet.