De Tsjerne. Jaargang 3

Gysbert Koelstra:
Kwatrinen

As wy de romers heevje op âldjiersjoun,

Teantet de freonskip yn de rige roun

En glimket by it tinkljen fan de glêzen:

Hat ea de wyndrúf sok in gloarje woun?

*

Freonskip is in lantearne yn 'e nacht,

It ljocht dat toutert oer in faeije fracht.

Hwannear we op 't lêst it havenhaed bisile,

Stiest', fierkjend nei it lytse seil, to wacht.

[p. 220]

 

*

 

 

 

Dou smeist' de tael, ik foarmje it hurde izer

 

En beide tiidgje we op de ynmoed'ge prizer.

 

De wierheit skouderlûkt om de idelheit

 

En is oer 't wurk in strange fonniswizer.

 

 

 

*

 

 

 

God, jimmer binn' de wramer en de dreamer

 

Fan 't wankel hert de teller en de neamer.

 

Neam alle illúzje idel, tel 't bodzjen net

 

En brek dit hert yn de iens'me binnekeamer.