De Tsjerne. Jaargang 3

Jakez Riou †
Skimerjoun

Hy siet oan 'e kant fan 'e stream
en wachte op 'e leafste út syn dream.
De sinne stie heech doe 't er kaem.
......Nou hied er de jountiid fornaem.

De wylgen stien' swijend yn pronk,
't ynsekteguod slûge by honk.
En hy, hy wachte op 'e faem
út syn dreamen, - op har dy't net kaem.

De sinne stoar trilderich read,
de beammen forspegelen ta neat.
It tij fan 'e dize kaem sleau
en de nacht om him hinne kleau.

Hy riisde stadich oerein
en is nei de hichte tein.
En de sinne geat yn 'e floed
in fjûrreade drip fan bloed.