Provinsjale Skriuwdei 1999 Provinciale Schrijfdag sneon 13 maart 1999
De Provinsjale Skriuwdei biedt dit jier wer in grut ferskaat oan aktiviteiten.
| * | Minsken dy't der wol ris oer prakkesearje mei te dwaan oan in kursus ‘kreatyf skriuwen’ kinne op de Provinsjale Skriuwdei yn koart bestek in yndruk krije fan hoe't it by sa'n kursus om en ta giet. In oantal ynstellingen yn Fryslân dy't regelmjittich kursussen kreatyf skriuwen oanbiede binne ‘De Cirkel’ op It Hearrenfean en ‘Parnas’ en FLMD yn Ljouwert. Fan elk ynstitút jout in dosint in workshop op 'e Provinsjale Skriuwdei, yn de neamde folchoarder Karolien Bloemsaat ‘schrijftraining proza’, Tine Bethlehem ‘levensverhaal schrijven’ en Akky van der Veer ‘proaza skriuwe’. Fierder jout Hans Brans fan Keunstwurk in workshop oer Toanielskriuwen. |
| |
| * | Nêst it reguliere oanbod yn Fryslân kinne gadingmakkers ek in workshop folgje by dosinten fan bûten de provinsje. Dit jier binne dat Jos van Hest oer ‘Poëzie schrijven’ en Joke Linders en Claire Hülsenbeck oer ‘Schrijven voor kinderen’. Jos van Hest is dosint skriuwen by 't Colofon en hat in brede ûnderfining as skriuwdosint en -oanpoener. Hy sil as iepening fan de Skriuwdei ek in koarte Algemiene Skriuwtraining jaan. Joke Linders is ien fan de foaroansteande dosinten op it mêd fan skriuwen foar bern yn Nederlân. Claire Hülsenbeck jout by Script+ in kursus ‘Schrijven voor kinderen’. De dosinten Linders en Hülsenbeck sille yn de hjerst fan 1999 in ferlykbere kursus jaan by Keunstwurk. |
| |
| * | Poëzijleafhawwers kinne ek telâne by Anneke Reitsma fan Skuzum mei har workshop ‘In de keuken van de dichter’. Twa jier lyn op de Provinsjale Skriuwdei 1997 foel dy workshop der goed yn. |
| |
| * | Fanwegen oanhâldend sukses is der dit jier ek wer in poëzijkonsulint, ntl. Pieter Boskma. Hy sil a prima vista kommintaar jaan op poëzij dy't meidoggers oan de Skriuwdei him foarlizze. |
| |
| * | Oan de ein fan de Skriuwdei is der in Literêr Poadium. Bydragen fan ûnder oaren Pieter Boskma, Hillie Scheepsma, winnares yn de âldste leeftydskategory fan it FeRstival fan ferline jier, Anne Feddema en in ynterview troch Michiel Klont. Elk dy't dêr eigen teksten hearre litte wol is wolkom. |
PLAK: de Provinsjale Skriuwdei wurdt hâlden yn Teater Romein, ‘Parnas’ en ‘It Skriuwershûs’ fan it FLMD.
KOSTEN & OANMELDINGEN: De workshops duorje oardel oere en kostje f 10,-. Foar mear ynformaasje oer it programma en foar oanmeldingen:
FLMD, till. (058) 212 08 34, faks (058) 213 26 72.
Auteursrechtelijk beschermd