Trotwaer. Jaargang 29

(1997)– [tijdschrift] Trotwaer– rechtenstatus

Sneon 26 april 1997, fan 13.00 - 17.30 yn de Skierstins, Feanwâlden

Organisaasje:	Stichting Kultureel Sintrum ‘de Skierstins’
	It Frysk Letterkundich Museum en Dokumintaasjesintrum
	It Literêr-histoarysk Wurkferbân fan de Fryske Akademy

Programma:

13.00	Untfangst mei kofje en in flaubyt

13.30	Iepening

13.35	Hans van Stralen:
	Periodisering van literatuur
	Yn dizze lêzing sil yngien wurde op sin en funksje fan perioadi-searring, op de kritearia dy't dêrby brûkt wurde en op de fraach oft dêrby ek rekken hâlden wurde moat mei de taal wêryn 't de literêre teksten skreaun binne of de regio dêr't de literatuer yn ûntstien is. Hans van Stralen (1954) studearre ûnder oare Nederlânsk en filosofy yn Nijmegen en Utert en promovearre yn 1990 op it ferskynsel ‘bewitten’ (‘bewustzijn’) yn de modernistyske letterkunde.

14.15	Jetske Bilker:
	Hat de Fryske literatuer har eigen literêre generaasjes?
	Yn de lêzing sille de folgjende fragen oan bod komme:
	1.	Op wat foar grûnen is de perioade-yndieling yn Fryske literatueroersichten oant no ta útfierd, en koe dat ek oars?
	2.	Binne de Fryske literêre perioades ynbêde yn de Nederlânske en Europeeske of kin der praat wurde fan in eigen literêr klimaat dêr't generaasjes opkomme troch op inoar te reagearjen? Oerienkomsten en ferskil mei de Nederlânske perioades sille oanjûn wurde.
	Jetske Bilker (1960) studearre Algemiene literatuerwittenskip oan de RU yn Grins en wie seis jier redakteur fan Trotwaer.

14.55	Tee

15.30	Pieter de Groot:
	Sûnt Sonde
	Pieter de Groot (1946) wurket sûnt 1977 as redakteur by de Ljouwerter Krante, wêrûnder

	12 jier as sjef fan de kultuerredaksje. De ûntjouwingen yn de Fryske literatuer hawwe him altyd boeid. Yn de jierren sechstich waard er as betreklik bûtensteander yn de redaksje fan it literêr-politike tydskrift Sonde behelle trochdat er yn it Frysk Studintehûs yn Amsterdam wenne; hy wie studint politikology oan wat doe noch de GU hjitte. Yn syn lêzing sil er djipper yngean op de skiednis fan Sonde en oanjaan wat hy út syn persoanlik perspektyf wei as de wichtichste ûntjouwingen fan de lêste tritich jier sjocht.

16.10	Neipetear nei oanlieding fan de lêzingen en fan stellingen

16.45	Oanbieding fan de twadde, bywurke printinge fan it Lyts Hânboek fan de Fryske literatuer fan de hân fan Klaes Dykstra en Bouke Oldenhof, útjûn troch Fryske Akademy en afûk.

17.00	Buorrel

De kosten foar meidwaan binne f 35,-

Derfoar krije jo:

*	yntree
*	kofje mei flaubyt, tee, slokje nei ôfrin
*	in boekje yn de flmd-rige ‘byskriften’ mei de 3 lêzingen.

OANMELDING

Skriftlik (namme, adres, tal persoanen, hantekening) en uterlik 14 april by:

Stichting Kultureel Sintrum ‘de Skierstins’,

Postbus 11,

9269 ZR FEANWâLDEN.

Kosten: f 35,- de persoan.

Betelje: kontant by de yngong fan de seal.