Trotwaer. Jaargang 27

[p. 186]

Jacobus Quiryn Smink
Ien psalm oer

Bryfke mei kroantsjepin Ps.136:1,
dat bryfke fûn famkenien nei tsjien,
tweintich, tritich jier en dat
inketferske koe 'k sa wer opsizze:

Tankje de Heare, want Hy is goed,

ivich duorret Syn geunst.

Stiet sa yn de Bible in Frisian fan
1978, Nederlands Bijbelgenootschap
en yn Het Bijbels Psalmboek fan
Blok út Sondel (Fr.) giet it:

Halleluja! Looft de Heer!

Prijst Zijn goedheid, geeft Hem eer,

want Zijn goedertierenheid

blijft in alle eeuwigheid.

En yn Psalmen fan de Nieuwe Berijming:

Looft den Heer, want Hij is goed,

trouw in alles wat Hij doet.

Want Zijn goedertierenheid

zal bestaan in eeuwigheid.

Gjin fan dizze teksten hat it west;
Meester Visser wie master ûnder
âlde beriming - dy fan 1938 hiet doe sa -

[p. 187]

 

en op de rapporten stie Versje

 

mei in 9 of in 10. Net foar my,

 

want ik grommele mar wat foar de

 

klas en de grutste sûnde wie in 1.

 

 

 

Dat bryfke, wer fûn nei in tsjien,

 

tweintich, tritich jier heart yn

 

in listke thús, want de geunst

 

wie grut, ik ferlear de Hear en

 

dat wie achternei gjin grutte keunst.

 

 

 

Yn 'e pauze en nei skoaltiid

 

fochten we mei de klomp yn 'e hân,

 

it loovjen fan de Hear út it sin

 

en de geunst wie foar de iperen;

 

dy wie hurder as de pappel.

 

 

 

Sa ferlearen we gewoanwei de

 

Hear, mèi de papleppel, al hast

 

foar ivich in sit yn 't bestjoer

 

of yn de rie, we witte wol better;

 

Jan Klompmakker is ek al stoarn.

[p. 188]

 

Noch ien psalm ha 'k oer om op te

 

sizzen en te jubeljen, - karajonkje

 

út folle boarst - dy fan foar de oarloch:

 

Looft den heer, want Hij is goed,

 

looft Hem met een blij gemoed,

 

want Zijn gunst, alom verspreid,

 

zal bestaan in eeuwigheid!