Trotwaer. Jaargang 27

[p. 27]

Jacobus Quiryn Smink
Earst mar ris stjerre

(foar Harmen Wind)

De dea dy hat de dichter selskip jûn
Mar men hat gjin frede noch wat rêst
Yn dy drift, wat âlder komt griffêst
Fan wat kâlder, nee men hat neat fûn

Gjin lêzer fan 'e smelle rigels hat
Treast ea krigen út dy djipte wei
Fergees socht men om dat nimt my mei
Of om wat útstel of miskyn de klad

It is sa't it is, om mei de dea om
Te gean is de dichter net geskikt
Want is likefolle gewoan, mar flikt
It kear op kear, wit fan gjin werom

Byldet dy blom en beamte en men wit
Wol better, dy letter dy bliuwt stom