Trotwaer. Jaargang 24

[p. 165]

Ellin A. Nickelsen / Marten Sikkema
Stigmata

Do stiest printe yn myn hannen
stutsen boarre al sûnt tiden
mooglik ynbaarnd ynsnien fike
fan de skuld in dúdlik teken
dy't ús ienris fêst ferbûn hat
om ús ta de dea te skieden.

Wer ta 't libben twongen draach ik
yn 'e lofterhân it teken
baarnend bitend oant it rêst fynt
oan dyn lea en dyn waarm bloed
al myn lijen soenjend fuortspielt
en do brekste dan is 't goed.