Trotwaer. Jaargang 23

[p. 201]

Liuwe de Haan

Tuskengebiet

Myn âlde leafde hatet my
myn grutte leafde
ja, myn grutte leafde
sit ûnberikber fier
op in berch machteleaze beswieren

Leafste, wannear komst
dyn poarperkleurich kleed iepenslein
de wiffe reis nei ûnderen

Ik sil ast komst
net dûnsje om
it keal fan de hypokrite leafde

[p. 202]

Suvere

naturel dyn boarsten
karamel dyn kut

it soel yn dyn skamtehier
jaget fan moarnsdauwe
nei stjalpige tongerrein
lit myn tonge
dyn tongerbui heine

lit myn tonge it hynder wêze
dat grutsk dy dynje lit
do mei dyn tosken
teskoar yn myn fel