Trotwaer. Jaargang 23

[p. 186]

[Nummer 6]

Kito Lorenc / Marten Sikkema
De betichele kachel

De betichele kachel
dy't ik har jûn haw
mei't er net baarnd hie
twa lange jierren
haw ik yn fjoer set
foar har en ik sei har
dat er net baarnd hie
twa lange jierren
en 't my ûntgien wie
hoe't er yn fjoer moast
En hja sei do sjochste
datsto net dea hoechst
om soks te ferjitten
En ik sei do witste
wy hâlde lykwols wol
ús rjocht om te libjen.

Kito Lorenc, berne 1938 yn Slepo, wurket op it Ynstitút foar Sorbyske Stúdzjes yn Budisyn (Bautzen); publisearre ferskate fersebondels, oersettingen en blomlêzingen.

Wennet yn Wuježk by Budišyn (Lausitz).