Trotwaer. Jaargang 23

[p. 179]

Jan Kooistra
Ik dreamde dat 'k myn muze sêch

ik dreamde dat 'k myn muze sêch
fan fleis en bloed as dû en ik
by in mar lei hja yn 't hege gers
hja wonk nei my mei sa'n bekende blik

ik frege har wat ha ik as ik dit berik
hja sei ik lees hjir op myn rêch
dus nim dan no watst fan my wolst
it wie de lust dy't yn my flêch

ik dreamde dat 'k myn muze sêch
sa folslein en bleat sa leidich brún
hja oerlange my de pylk en bôge
en ik skêt myn dream yn pún