Trotwaer. Jaargang 23

[p. 164]

Cornelis van der Wal
De Hearsker

Der is romte en myn eagen
krije faasje, folgje de streakjende wyn
oer it rûge fjild.

Ik haw de holle stutsen
op in frisse flaggemêst,
lit it fetlik hier feestlik útwierje.

Oer dreamstiennen
rint it skrobjend sjippewetter.
Spinnen ferwege de poatsjes yn sitroenskom.

It hearskjend trochsichtich Ynsekt siket my
en sakket oer myn lichem hinne.
Der bliuwt in strieljend bosk roazen fan my oer.