Trotwaer. Jaargang 23

[p. 151]

Jan Bilker

Ut 'e dream wei

Asto no nó
fan 't bêd ôfkomst
komst troch de keamer
troch de gong
dyn gong noch licht

asto no hjir
de doar útgiest
oer giele stien
it paad delrinst
de eagen ticht

asto no stil
fiif tellen stiest
of seis of sân
iepen de eagen
omheech 't gesicht

dan skuort de sinne
út syn wale
in wylde lôge
oer dyn tún
in blyn gedicht.

[p. 152]

Moeting

Ik seach dy dizze simmer
trijeris fjouweris
ik seach dy sasto wieste
doe en ienris

ik moete dy yn wenen
lyts en leaf
en yn it park fan kassel
blier yn bûnte klean

ik fong in glimp op
fan dyn antlit
op merano's blommemerk

ik folge dyn
ûnneigeanber trintsjen
op ôfstân
oan 'e bodensee

[p. 153]

 

mar neier

 

koe 'k nea komme

 

woe 'k nea komme

 

omt ik wiste

 

yn 'e konfrontaasje

 

soe brekke

 

it broazel oerflak

 

fan dizze illúzje

 

midstwa

 

 

 

de dream dochs

 

wol toevje.

[p. 154]

Dizze nacht

Bitter
swiet
de dream
dizze nacht
om my
deun by my
wiest my
in dream

de oeren
dêrnei
sa liddich
oerstjoer
as it
wieljend waad
bûnzjende
bitterswiete
ûnrêst
fan myn hert.

[p. 155]

Lêste fersyk

lit my no los
't is ommers tiid
om nei hûs te gean
en is
de dream net út?

dy dream
sa lang
salang't dy dream
mar duorret
nimt er willemoeds
de rêst

bern
lit my gean
want bliuwt
dyn doar net ta?

ûnbegryplik hurd
giet er my
nea wer iepen.

[p. 156]

 

- - - -

 

 

 

Dream

 

ferline

 

dream

 

 

 

noflik is it my

 

te driuwen

 

op 'e weagen

 

fan foarby

 

 

 

bylâns

 

it gea

 

fan hjoed

 

nei moarn

 

ferjitte nea

 

en sjonge

 

oer de groede

 

fan weeën

 

hinne

 

driuwe allinne

 

 

 

dream ferline

 

ferline dream