Trotwaer. Jaargang 22

[p. 273]

Dalstar
Troch 't waar

foar Sjouke

Soe de sinne manlik wêze
Op in eilân wêr't de froulju gûle?
Wy kinne net ferjitte wat
We ferjitten binne
Mei te meitsjen te ferjitten
Krekt wat wy bedoele

Leit dat oan minuten fierder
Yn 'e tiid?
Oan dy heksameter fan
Dat lytse fanke
Dat ús mantsje wiisde
Wêr't it allegearre
Hinne giet?

't Is wier
Jo moatte it meimakke hawwe
Troch it eigen lûd fan
Stien, skjirre & papier

[p. 274]

 

Al wat fleane kin

 

Wurdt ommers nei de wrâld

 

Ta lutsen

 

Deldrukt troch de rein

 

Troch de wyn besprutsen

 

Yn in brief

 

Set hja útein

 

 

 

Lit de minsken witte

 

Wêr't alles mei begjint

 

Dizze kwestjes hingje yn twa wurden

 

Gear: flyer print!