Trotwaer. Jaargang 22

[p. 249]

Jelle Bangma
Mandela frij

Hy sil in slûgert wêze
sis no mar in sokses
dy't him opslute lit
om niks
tocht ik
mar doe't er prate...

Hy sil ferhurde wêze
en de man ferflokke
dy't him opsletten hat
om niks
tocht ik
mar doe't er prate...

oer frijheid en gerjochtichheid
- I have a dream -
doe wie 'k ynienen bang
dat se him sjitte soene
ja him ek
om niks
tocht ik
omdat er praat...

Hy sil in ingel wêze
en sânentweintich jier
wie as in dei
fan niks
tink ik
en 't is de geast
dy't troch syn mûle praat