Trotwaer. Jaargang 22

[p. 222]

Baukje Wytsma
Spegelbyld

It feest begjint!
In Ringfeart tichtby Olterterp,
de angel út.
Wat lichte plústers
dûnsje trinten op it wetter.
Blakstille wrâld
fuortby de lytse slûs
de einen yn it kroas
twa brún en fjouwer wyt.

Op bleate fuotten yn de ûnderwâl
en dan de spanning fïele,
drok kôgjend op in snyl.
Haw ik al byt?

Boppe de hoarizon
twa âlde minsken op 'e fyts,
rjochtop yn simmerklean...

Myn dôber diskodûnset
en sjit strielrjocht ûnder!

Ik ha in snoekbears fongen, heit!
'k Seach flinters en libellen,
witst ommers wol?
Hoe helder wie dyn spegelbyld yn 't wetter
en hoe djip.

[p. 223]

Baukje Wytsma

Libben

Berne op 1 april 1946 yn Reduzum.

Dichteres - berneboekeskriuwster - freelance sjoernaliste.

Meiwurkster jeugdside en rubryk berneboeken, beide yn de ‘Leeuwarder Courant’.

Redaktrise ‘De Strikel’ en meiwurkster fan ‘Omrop Fryslan’ (radio en tv): berne- en edukative programma's.

Meiwurkster ‘Friesland Post’.

Skriuwt lietteksten foar bern en folwoeksenen, bygelyks ‘Kinderen voor kinderen’ / Leny Dykstra Douwe Heeringa / Rients Gratama / Inez Timmer / Djoeke de Vries / Sipelsop en Sûkelade Omrop Fryslânbernekoar, ensafuorthinne.

Hoe't ik ta skriuwen kommen bin?

-	Poëzy út needsaak,
-	berneboeken út wille en aardichheid,
-	oar wurk út nocht en út needsaak om yn libben te bliuwen.

Ik ha altyd al skreaun, kin dêr net sa goed sûnder libje. Mar ik soe ek wol allinnich mar túnfrou wêze wolle, want yn 'e tún wurkje fielt krekt sa as skriuwen.

Wutk

Romke Timen Tomke 1976

De rare richelroek 1987

De groetnis jan Anne 1981

Flintertútsjes 1982.

Mei Meindert Bylsma en Swami Anand Johannes: Dochsels I 1983 - Dochsels II 1985 - Dochsels III 1985.

Mei Meindert Bylsma, Douwe Kootstra en Tiny Mulder: Patat spesjaal. Lês-, sjoch- en dochboek 1985.

Mei oaren: Heechterp en it geheim fan de stien 1987. Mei Akky van der Veer: Disse en Jinge en frou Hilarides 1987 - Frou Hilarides en it museum foar moderne keunsten 1988 - De saak Hilarides 1989.

Omke Siger is in liger 1990.

Musicals: De letterfretter 1981 - Romkje Roekenêst 1983 - Villa Aria 1987 / 1988 / 1989 - Sipelsop en Sûkelade 1987 - Foedoe de geheimeman 1990 (twa tv- en trije radio-programma's en in teaterfoarstelling troch Jaap Oosterwijk en Leny Dykstra).