Trotwaer. Jaargang 22

[p. 57]

Eppie Dam
It krús

fersen by wurk fan Joseph Beuys (1921-1986) byldwurk út: Wouter Kotte/Ursula Mildner,
Das Kreuz als Universalzeichen bei Joseph Beuys Stuttgart, 1986.

hingjend oan 'e himel
mar amper noch hingjend
riksto nei de ierde
reitsjend noch net iens

taastend nei utersten
fearne troch it krús

do bist it krús

it krús is dij

korpus ferlutsen
yn koördinaten

east west

noard súd

skuort dij de holle
fan flimende wjukken
giet yn dij om
sirkelsinne de ierde

wieling fan fjoer
wynroas fan toarnen
kroan fan baarnende bliedende
fallende

opgeande stjerren

[p. 58]

Christus in der Dose; 1949, hout, kit

[p. 59]

 

ierdsker as klaai

 

swart fan fleis en bloed

 

sa djip moat in mins

 

 

 

djipper in minskesoan

 

salve mei oalje en tarre

 

kristus

 

fallend yn 'e nacht

 

delfarrend

 

djipper fallend

 

iis en izer foarbij

 

stien foarbij

 

lava soer en sâlt

 

toarst foarbij

 

 

 

fallend

 

djipper delfarrend

 

fallend yn 'e skacht

 

fan uterste ierdskens

 

liem foarbij

 

fjoer en jiske

 

dea foarbij

 

 

 

krúsling op wjokken

 

swarte do wite raven

 

kening arkefûgel

 

farrend

 

ûnder in bôge fan kit

[p. 60]

Wurfkreuz mit Stoppuhr auf Pflockkreuz; 1952/66, brûns, 34 × 25 × 3 sm

[p. 61]

 

ieu op ieu

 

fersnien de ierde

 

folk nei folk ferskuord

 

tebrutsen man frou bern

 

 

 

krús op krús

 

bloed fan ús bloed fan dij

 

bloed fan hjoed en aldendei

 

minskebloed yn brûns bestjurre

 

ferwrongen roas yn ús ûnthâld

 

bliedend hert fan oaremoarn

 

 

 

tiidbalke read en sûnder ein

 

fertikaal mei bloed trochsnien

 

bloed op bloed

 

rekket lijen lijen

 

krús op krús

 

 

 

breedtesirkel meridiaan

 

stiet op it snijpunt

 

fan 'e skiednis

 

it krús

 

 

 

stiet midden yn 'e tiid

 

ûnmacht oermacht alle macht

 

ien tel fan ieuwen stil

[p. 62]

Grabkreuz für Josef Koch im Atelier der Akademie; 1955/56, stien

[p. 63]

 

stien en bien

 

binne ús deaden

 

izer en ierde

 

murch bloed rust

 

 

 

wa tilt op ús deaden

 

wa jout se ferhef

 

wa helpt ús deaden

 

hinne oer de dea

 

dat se rinne oer de dea

 

domme domme dea

 

 

 

wij rjochtsje op

 

in krús

 

rjochtet op ús deaden

 

sa hâlde wij oerein

 

ús deaden

 

sjendereach

 

 

 

sa hâldt oerein ús dreamen

 

it krús

 

earmslach troch de tiid

 

hout fan heugenis

 

oerwinteringsbeam

 

tinkstien

 

fan net te ferjitten

 

ús deaden

[p. 64]

Kreuzigung; 1962, oalje op papier, 16,2 × 11,6 sm; 1978, Seefdruk, 14 × 11,5 sm

[p. 65]

 

berne út hannen en fuotten

 

macht en ûnmacht

 

jefte oerjefte

 

is in mins

 

 

 

hâld sykje yn 'e ierde

 

taaste nei it ljocht

 

docht in mins

 

docht in beam

 

 

 

hout en hars fleis en bloed

 

is in mins is in beam

 

is it krús

 

berne út in mins

 

taastend nei in minskebern

[p. 66]

Eurasia; Keunstbarren yn de galery René Block, Berlyn, 31 oktober 1966

[p. 67]

 

fleis as fleis

 

fergonklik gers

 

grien gers stiengers

 

as heagers dea gers

 

in mins mei hûd en hier

 

fel oer bonken fergonklik

 

 

 

geast

 

winende waaiende geast

 

taastend tusken de raaien

 

sykjend tusken de ribben

 

oft der libben is

 

net nei

 

net nei mar yn 'e dea

 

ea

 

 

 

in wurd te lêzen

 

tusken de rigels

 

 

 

oft der libben is

 

berne út in krúsbegjinsel

 

east mei west te ferbinen

 

geast yn gers te finen is

 

hazzefûgel

 

op hege poaten wâdzjend troch de nacht

 

minskebern op wjokken

 

wevend

 

tusken stienkoallaach en stratosfear

 

himelswart krytwyt

[p. 68]

Manresa; 1966, Galery Schmela, Düsseldorf (mei H. Christiansen en B. Nörgard)

[p. 69]

 

hat west

 

de himel heech

 

en leech by de grûn de ierde

 

swier fan deaden drôve ierde

 

 

 

hat west

 

de einder stippelline

 

knipstreek tusken twa wrâlden

 

tiidbalke tusken dea en dreamen

 

 

 

hat west hjir en dêr

 

hat west no en dan

 

ûnderwrâld en paradiis

 

 

 

spjalten fan boppen nei ûnderen

 

himel en ierde

 

kwartslach kantele minsketiid

 

de skieding oerwûn

 

fan letter en geast

 

 

 

ierde loskomd út matearje

 

ljocht ympregnearre yn hout

 

stiet heaks op swart en wyt

 

it krús

 

fertikale hoarizon