Trotwaer. Jaargang 19

[p. 196]

Willem Abma

Poète maudit

wa't dichtet om't er iensum wie
bliuwt iensum om't er dichtet

fan folk en fers oan de skandpeal hinge
binn' tonge en troanje him ferwringe
mijend de mienskip dy't him mijt

ferspein dy't it ferspeine net ferspijt

[p. 197]

En route

raljes swije
de raljes en it swurk
dan raast in trein
de stilte fan it fredich lânskip stikken
de stilte tusken de raljes en it swurk

-reizgers fersonken yn har sitten
in kondukteur traach oan it wurk-

en nimmen hat it lânskip kend
nimmen fan de stilte witten