Trotwaer. Jaargang 18

[p. 230]

[Nummer 6]

Eppie Dam
tiny mulder

do bliuwst foar my
in famke fan sechstich
-oranje strikje
yn it permanint-
mei berneëagen
dy't noch altyd sjogge
as hiene se neat sjoen
sa nij de werklikhyd
as hie der neat
te rêden west

hoe komsto sa jong
en ik sa âld?

alle kearen dat wy
troch de bosken rinne
ûnder beetstersweach
bin ik bang
dat wy dy tsjinkomme
in wite swan
op gimpys

en dat ik dan sizze sil:
sjoch jonges
dêr komt tiny mulder
sy hat de oarloch meimakke
heit net