Trotwaer. Jaargang 18

[p. 186]

Willem Abma
Dichteresse

foar Tine Piebenga en Tsjits Peanstra

hja is in bern dat boartet op it strân
noch krekt ear't ferwoeden weagen wiskje
swijend har wurden stalt yn't losse sân
dêr't frjemden aansens ûnnoazel fiskje

as dan it lûkend tij ek har net sparret
harren suvere sangen nimt mei him
rûzet ferlangstme dat de see bewarret
sadat oan fiere kusten klinkt har stim