Trotwaer. Jaargang 18

[p. 58]

Jabik Veenbaas
Sang foar in soargeleaze simmerdei

Ik wit it wol ik moat dit en dat
en noch folle mear moat ik wol
mar it is samar wer winter en dêrom
set ik dan hjoed de klokken stil
en jou my del, maklik
as de katten, om en om
rôlje se harren ommers yn it gêrs.

Ik lit it gewurde, gjin slach
doch ik mar ik stek de hân út nei it lok
- lok sisris wat jouste, ik jou dy neat,
seit it lok en it jout neat ik jou
der ommers dochs neat om. Sjoch,

de toppen fan de beammen ferwege dat docht
de wyn.