Trotwaer. Jaargang 18

[p. 54]

T. Piebenga-Bethlehem

Tillefoan

de tillefoan yn myn holle
giet oanienwei

it binne de jonges
of do bist it
of de kollega's
of myn extra-leaf
of in freondinne

as de tillefoan giet
nim ik net op
want yn myn holle
giet de tillefoan oanienwei.

[p. 55]

Sokssawat

leaf, it is sokssawat
dat ik dij freegje
mei mij de djipte yn te gean.

bij sokssawat
wit ik net mear
wat ik dij freegje mei.

en asto seist:
mar wat dan?
stammerje ik
sokssawat as hâlde fan.