Trotwaer. Jaargang 18

[p. 5]

Geart fan der Mear
Oktober wer,...

oktober wer, en ik lês it wûndere ferhaal
fan Douwe, ‘prince lontain’, en Pimmy Smots.
de ‘ljeafste’ waard in ‘achte freon’,
en ‘dû’ waard ‘Jy’ en ‘Jo’.
mar freonskip bleau oan 't lêste ta,
al foel it bûten wênst en boargerlik bestek.
de jiergong komt al neieroan syn tsjusterste oere
en kjeld lûkt wer de huzen yn.
no is it wer de tiid fan fragen,
fan dè fraach:
hoe sil de tiid ús oantaaste,
dij, sa oantaastber.
o ‘ljeafste’,
behâld dyn langstme,
achte freondinne,
hâld heech en feardich yn dij
de flamme, spegeling fan mines:
brânende freonskip,
hertstocht fan 'e geast.