Trotwaer. Jaargang 17

[p. 100]

R.R.R. van der Leest

Oan Abe-en-dy

kuierjend mei de hûn troch hjerstige leanen
kaam ik dij ûnferwachts yn in rôlstoel tsjin
ik wie wer op 't fean by dy seis-fiif tsjin ajax
doe't it noch net om de rotsinten gyng
it lêste healoere haw ik mysels dêr fergetten
ien west mei it folk besiele troch jim
dat hie 'k dij sizze wollen en moatter
mar ik knikte allinnich en stapte foarby
no meitsje ik by dizzen gewach fan myn falen
yn úttochte rigels sûnder spontanens
de kâns dy't ik miste wie de kâns fan de dei

[p. 101]

Lânskip

bleek horizontaal ljocht
ferware fertikaal fan in peal
en de rein yn steile diagonalen

[p. 102]

Aktualiteit

yn de nachttrein nei kiruna
siet ik oer in egyptysk pear
hy oan it gongpaad
sy by it rútsje
ichnaton en nefertété
beitele yn sânstien
ik tocht deemoedich
tritich ieuwen sjogge op dy del
mar ik koe myn kaartsje net fine
de kondukteur wie kommendeweis

[p. 103]