Trotwaer. Jaargang 17

[p. 42]

Baukje Wytsma

De findeldrager

Hear ik de tromme dy't sa twingend slacht,
komt de ynfieren findeldrager. De grutte
jager mei gouden stjerren op blau-swart
flewiel. Bang bin ik foar de dwylsin yn dy
rigen, wars fan de rook fan lear en blinkend
stiel. Lûd stampe learzens oer de kâlde stiennen.
Dit einleas rinnen nimt gjin kear. 't Is nacht
de tromme slacht, in kenber teken. Benearjend
lûd op fluezen fan it sear.

[p. 43]

De froulju

Se bûge harren licht foaroer
de froulju fan
Renoir, Cézanne, Degas
of dûnsje flinterlicht
en trinten yn tutu.
Se binne jong en moai
en witte dat, want harren
wrâld is simmersk waarm
yn kleare ljochtôfwikseling
fan kleuren. Se plôkje reade
blommen yn it hege gers
en drinke wyn ûnder in parasol.
It binn' de froulju fan
Renoir, Cézanne, Degas.