Trotwaer. Jaargang 16

[p. 315]

Geart fan der Mear
XXV

nee, nim it net, want sjoch watst hast en fynst.
sjoch nei wat is. libje net yn wat wie.
wit, hjir, no, is dyn libben, libbest ien
kear (al is dat genôch en mear ast wolst:
skientme, lok - ien tel bist bliid, bûten dij
sels fan sjen. dan begjint it ûnkearber
sjen wóllen en it sa ûnôflearber
tebeksjen). ik fyts. it is waarm. foar mij
rydsto. dyn dérailleur gûnzet. de wei
is net steil mear, wol skadich, mei útsjoch
oer de bergen, dan hast even dyn nocht.
in bankje. wat drinke. boltsje mei
jam of tsiis ite. prate. wat swije
sitte sjen (nei dij) elk neamen mije