Trotwaer. Jaargang 16

[p. 138]

Wilco Berga
Twa fersen

As in kikkert
lizze tinzen hoeden
tsjin de wetterspegel

oan 'e igge
liz ik wach

en wachtsje
op it moetsjen
mei in kiezelstiennen
ûnrêst

[p. 139]

 

Geheime fûgels yn myn tún

 

temûk libben yn 'e skuorre

 

lûden fan 'e fink

 

en klyster op it dak fan stjerren

 

yn it selskip fan de roek

 

 

 

Myn faam is let

 

en noch net wend oan stoarmen

 

langjend freegje ik oan de koekút

 

rop ferduldich sjong har namme

 

bring har eagen foar my mei