Trotwaer. Jaargang 15

[p. 13]

[Eppie Dam (vervolg)]

6

maklik sein: de kop derby, wylst
hier en tosken my ûntfallen binne,
wangbonk', kin & kakemint,
allinkenoan in streekje fierder
út 'e foegen rekke, har ûntwrame
oan har anatomysk makkelei

noch mear is by my wei: gjin kont
mear om te sitten, reitsje ik de bining
bjuster mei beklaaisel, treed & lining -
sweevje 'k no? sa al, wêrhinne, en:
allinne? roeikjend om it lêste lykwicht,
taast ik yn it ûngewisse as in bline